Vanaand het ek (met 'n skok) uitgevind hoeveel dit werklik kos om wasgoed te was. Dis R100 om 'n kaart te koop vir die wasmasjiene, met 20 krediete vooraf gelaai. 'n Was hier kos 4 krediete, 'n siklus in die droër 3. Dis dus omtrent R35 per bondel, wat my laat wonder hoe duur water en elektrisiteit regtig hier is.
Maar, my klere (insluitende dié waarmee ek gevlieg het) is nou skoon en droog, en ek hoef eers weer volgende week bekommerd te wees oor waar die volgende R35 vandaan kom.
