Nee, nie bymekaar nie, maar die post gaan oor albei.
Ek het toe daai bottel rooiwyn oopgemaak. Dit proe soos koeldrank, of erger, daai "naturally sweet red" wat Four Cousins maak, wat my ma so graag drink. Ga.
Die ander een was 'n opmerking van Mischa. Vandag vra ek hom waar ek 'n kaart kan koop vir die wasmasjiene hier by die Wohngemeinschaft. Wat my baie verbaas het, is dat hy nie geweet het nie. Die rede hoekom dit my verbaas het, is omdat hy al 'n maand lank hier woon. Dit beteken dat hy óf 'n maand se klere saamgebring het van Ukraine, óf nie heeltemal so skoon en netjies is soos wat ek aanvanklik gedink het nie...
