Mischa is 'n nadoktorale navorser by die Chemie departement hier. Hy't laasjaar sy PhD in Kernfisika klaargemaak in Kiev (hyself is van 'n ander deel van Ukraine), en studeer vanjaar hier op 'n Erasmus stipend. Hy's stil, pynlik netjiese en vriendelike ou, wat graag self kook wanner hy die kans kry, heeldag voor sy rekenaar sit, graag tee drink, bedags eers na 10 ingaan lab toe, en nie 'n stoornis is vir enigiemand nie.
In kort: ek woon langs myself (wel, behalwe vir die pynlik netjiese deel). En ek's 'n fantastiese flatmate.
Soos enigiemand, het hy ook sy quirks. Hy luister heeldag na die stream van 'n radiostasie in Ukraine. Dit klink soos 'n tipe nuusdiens, want ek hoor net manne ernstig praat heeldag - geen musiek of ander stemme nie.
Ons het nou al ooreengekom om elkeen ons eie kruideniersware te behartig, en sal op 'n stadium iets uitwerk rondom die skoonmaak van die woonstel (maar met 'n pynlike netjiese ou soos hy, sal dit nie 'n probleem wees nie).
Mischa gaan my nog die gewoonte laat aanleer, voor einde Mei, om na elke maaltyd my skottelgoed te was, pleks om dit te laat opstapel vir 'n week of twee.
