Das wetter und dieses Blog

Raait, so...

Ek kom die naweek agter ek's agter met my blog posts iets verskrikliks. So, vir almal vir wie ek al vertel het van waar ek die afgelope week was en wat ek als gedoen het: ek sal weldra daaroor skryf en die foto's oplaai. Dit sluit nou in:

• Die res van my naweek in Maastricht
• Die trippie na Liege
• Die vinnige besoek aan Dortmund
• Die naweek in Hamburg
• en vanaand se go-cart aandtjie saam met die Pole en Russe.

Iets waaroor ek net gevoel het ek vandag MOET skryf, is die weer. Vandag, vir die eerste keer, voel ek regtig asof die winter in Wuppertal verby is. Ons het al sonskyn en warm-erige dae hier gehad, maar vandag is anders. Die mense loop almal met kortmouhemde en kortbroeke of kort rompies rond (wat ongelukkig nie in alle gevalle so 'n goeie ding is nie, maarnouja), die bome is groen, en alles is net vars, vrolik en vriendelik.

Ek sal weldra 'n paar foto's neem van die bome buite my ventster en oplaai.